त्याच्या वाढदिवशी आज देवाकडे एक मागण आहे
कारण तो म्हणजे माझ्यासाठी श्वास आणि जगण आहे...!
त्याच्या वाट्याला नेहमी उतुंग यशाची गुढी असो,
त्याच्या चेहऱ्यावर नेहमी आनंदाचे हसू असो
त्याच्या हातून नकळत सत्कार्याला मदत असो
त्याने पाहिलेल्या स्वप्नांना पूर्णत्वाची हमी असो
उदंड आयुष्य मिळो त्याला हे मनापासून सांगण आहे...
कारण तो म्हणजे माझ्यासाठी श्वास आणि जगण आहे...!
चांगले आरोग्य,सुख -समृद्धी सोबतीला नेहमी राहो
आयुष्य बहरून जाईल अशी नाती मिळत जावोत
आलेच जरी संकट तरी त्यातून तरायची पुण्याई राहो
मोठ्यांचे आशीर्वाद निरंतर गाठोडीला जमत जावोत
सुंदर असावं आयुष्य त्याच यासाठी देवाकड साकड आहे...
कारण तो म्हणजे माझ्यासाठी श्वास आणि जगण आहे...!
