येणार का ?

 

 

हिरवी  हिरवी शेती
डोळ्याला सुखावणारी
शांत वाहणारी नदी
मनाला विसावा देणारी
उडणाऱ्या पक्ष्यांच्या थव्यांची
आनंद  यात्रा  ऐकायला
येणार का तुम्ही
आमच्या गावी राहायला?

गार झुळूक वार्र्याची
हवेतून गोडवा वाटणारी
साधी सोपी माणस
देवावर श्रद्धा असणारी
चमचमणाऱ्या चांदण्या
अंगणात झोपून पाहायला
येणार का तुम्ही
आमच्या गावी राहायला?

 दिवसाची सुरुवात
हसत  हसत होणारी
गजबजलेला  दिवसच
आनंदात घालवणारी
 रात्रीचे अभंग ऐकत
सुट्टीची मज्जा करायला
येणार का तुम्ही
आमच्या गावी राहायला?