पण माणस दुरावत चालली आहेत....

वाद  टाळता टाळता
संवादच खुंटत चालला आहे
जग जवळ येत चाललाय
पण माणस दुरावत चालली आहेत  ||

आज पैसा खेळतोय भरपूर
पण हात आखडत चालला आहे
चेहर्यावरती हसू दिसतंय
पण समाधान हरवत चालल आहे ||

नाती-गोती आप्तजन आहेत
पण त्यांची परिभाषा बदलते आहे
देण्या आणि घेण्यामध्येच
सारे स्नेह गुंतले आहेत ||

सुख-सोयीनी आयुष्याचे मार्ग
सोपे सरळ बनले आहेत
पण हे सुद्धा आताच्या पिढीला
चालणे अवघड होते आहे ||

कितीही सोडवला गुंता तरी
तो अजूनच घट्ट वाढत आहे
जग जवळ येत चाललाय
पण माणस दुरावत चालली आहेत  ||