स्वप्नांचे मृगजळ

मला सांगाल का स्वप्नांची
नेमकी सुरुवात होते कुठून?
लहान असल्यापासून की
समजायला लागल्यापासून?

जागेपणी पडणाऱ्या स्वप्नांची
लहानपणीच मनात कधीतरी सुरुवात होते
'मोठेपणी मी असा असणार'
हे प्रत्येकाने ठरवून ठेवलेले असते

ती स्वप्ने पूर्ण करायला मग
प्रत्येकजण धाव धाव धावतो
बरेच कष्ट घेतो आणि
बऱ्याच गोष्टी हरवून बसतो

एवढे सारे करून जर
ती स्वप्ने दूर पळत असतील
तर वाटते का बर मी
इतकी वर्षे हरवली असतील?

कधी कधी वाटते स्वतःकडून
आपणच खूप अपेक्षा ठेवल्या
त्या माझ्या नशिबात न्हवत्या
म्हणूनच पूर्ण नाही झाल्या....:(

शेवटी अशी एक वेळ येते
वाटते पाठशिवणीचा खेळ आहे सारा
कशासाठी बरे मांडून ठेवला
माझा मीच हा इतका पसारा?

स्वप्ने पाहणे म्हणजे उमजते
कि ते आहे केवळ 'मृगजळ'
कितीही जवळ पोचलो तरी
ते म्हणते "पळ पळ".....!